【Emily】阮民安MV 周庭演繹「煲底見」
[2019.11.22] 發表
【明報專訊】歌手阮民安(Tommy)近月不時現身反《逃犯條例》修訂嘅活動，為示威者打氣，因此爆紅。佢噚日推出新歌《煲底之約》MV，就係講示威者嘅共同願望，希望日後大家可以相約喺「煲底(立法會示威區)」，除低口罩相認。呢首新歌班底強勁，由阮民安作曲、被視為大作家嘅民主黨立法會議員鄺俊宇(鄺神)填詞；MV仲勁，搵嚟香港眾志周庭擔任女主角。首歌可以話係充滿本土MK味。
《煲底之約》MV係講由周庭扮演嘅中學生，因為政見而被阿爸趕出家門，佢身穿校服喺街頭狂奔，一直跑向添馬公園，同一個身穿黑衣、戴防毒面罩嘅男仔見面。周庭BB仲親手幫個男仔除低口罩，MV片尾就寫住「攝於災禍之日，完於傷痛之時。香港人，加油」。
《煲底之約》嘅歌詞由鄺神操刀，當中有句「穿分秒 度年月 捱得過 夜會結束 光輝可映照時代 在今世 就相約 除罩後見」，如果加番啲逗號，相信更有韻味。
鄺俊宇參加區議會選舉元朗北朗選區，同區另一候選人係民建聯譚煒霖。
更多港聞
【Emily】倫敦會駐英大使劉曉明 鄭若驊跌倒脫骱 或要做手術
【明報專訊】律政司長鄭若驊上星期喺英國倫敦出席講座途中遭示威者包圍，其間跌倒受傷，至今仍未返港。佢前日喺中國駐倫敦大使館見記者，係受傷之後首... 詳情
【明報專訊】立法會噚日繼續辯論休會待續議案，討論點樣確保周日區選安全順利舉行。建制派發言時繼續力數近日暴力事件，話候選人及拉票者都有人身安全...
詳情
【明報專訊】前香港民族黨召集人陳浩天上年出席香港外國記者會（FCC）演講一事，令呢棟建築物成為風眼中心。Emily留意到，全國政協副主席、前...
詳情
【Emily】謝子和擊敗管浩鳴 膺港島教區繼承主教
【明報專訊】聖公會香港島教區噚日舉行教區議會特別會議，選舉教區繼承主教。高調協助台灣殺人案疑犯陳同佳嘅教省秘書長管浩鳴（右圖）落敗，繼承主教... 詳情
相關新聞
