【Emily】梁天琦膺《時代》「下世代百大代表人物」

目前在囚嘅嘅梁天琦獲美國《時代》雜誌選為「下世代百大代表人物」（100 Next），《時代》形容梁天琦係香港嘅「精神領袖（spiritual leader of the city）」。（網上截圖）

【明報專訊】目前身陷囹圄嘅本土民主前線前發言人梁天琦獲美國《時代》雜誌選為「下世代百大代表人物」(100 Next)，係唯一入選嘅港人。《時代》雜誌形容梁天琦係香港嘅「精神領袖(spiritual leader of the city)」，將本土主義引入香港，成為社會主流。

梁天琦因為參與2016年旺角大衝突被裁暴動罪成判囚6年，佢當年參與立法會新界東補選時提出嘅競選口號「光復香港，時代革命」，成為近月反修例運動中示威者經常高喊嘅口號。《時代》雜誌話，以梁天琦為主角嘅紀錄片《地厚天高》被視為抗爭者必看影片；在囚嘅梁天琦雖然無法參與反修例示威，但佢曾經寫咗一封信畀示威者，鼓勵佢哋抗爭落去。梁天琦喺信中亦懇請大家唔好被仇恨支配自己、唔好以自己寶貴嘅生命與當權者對賭，要時刻保持警覺與思考。

「下世代百大代表人物」分為五大類，分別係藝人、倡議者、領袖、奇才同創新者，上榜者都被視為正在改變未來嘅100名新星，梁天琦被列為領袖一類。

更多港聞

【Emily】自稱吸最多CS 大sir：我無生氯痤瘡

【明報專訊】警方放催淚彈成日畀人話有二噁英，仲引起氯痤瘡疑慮。行動部高級警司汪威遜喺記者會話，佢係機動部隊教官，吸入催淚彈CS（「鄰-氯代苯... 詳情

【Emily】憶掌學生會時 梁美芬「好激但唔用暴力」

【明報專訊】警察與示威者、學生日前喺中文大學「二號橋」發生衝突，校園多處烽煙四起，Emily問過幾個喺建制陣營嘅中大校友點睇，經民聯梁美芬、... 詳情

【Emily】宣傳單張講地區工作 新民黨候選人：街坊跌倒助叫白車

【明報專訊】區議會選舉臨近，各候選人盡力拉票、向街坊展現自己最好嘅一面。出戰沙田富龍選區嘅新民黨廖子聰最近向街坊介紹自己嘅地區工作成績時，提... 詳情

【Emily】毅行者取消 常客蔡東豪照行百公里

【明報專訊】社會持續出現衝突，唔少活動因此取消，公益金噚日宣布，因應現時社會狀况同預期交通情况，取消原定後日（17號）舉行嘅「新界區百萬行—... 詳情

浸大門檻提高 兩選修須達3

【明報專訊】2020學年浸大的基本入學要求，由以往「33222」（4核心科目及1科選修）改為「332233」（4核心科目及2科選修）。浸大提... 詳情