【Emily】被指7?21帶人挑釁 阿廷發律師信 促何君堯賠償
[2019.10.29] 發表
【明報專訊】元朗7．21白衣人襲擊事件發生逾3個月，立法會議員何君堯上周二晚喺facebook直播節目話民主黨林卓廷帶人入元朗並挑釁；阿廷早前發律師信畀何君堯，指佢作出錯誤事實嘅指控，屬嚴重誹謗，要求對方書面道歉、賠償等，否則會研究採取法律行動。Emily打畀何君堯查詢回應，至截稿前未能聯絡上。
律師信中寫道，何君堯上周二晚fb直播，指阿廷帶人入元朗、作挑釁行動，所有指控都係事實上錯誤；亦指控阿廷涉犯下刑事罪行，屬嚴重誹謗，令阿廷感到受辱及聲譽受損。信中要求何君堯喺本月31日前向阿廷書面道歉、刪去影片、賠償15萬元作為損害名譽嘅補償，及支付2萬元法律費用，否則會研究採取法律行動，包括民事索償、申請禁制令等。
向廉署投訴何違選舉例
阿廷又去信廉政公署，投訴何君堯涉違反《選舉(舞弊及非法行為)條例》，誹謗阿廷及發放失實資訊，以阻礙佢當選，話相關言論完全捏造、影響選舉公正，要求廉署徹查。阿廷已報名參選北區石湖墟，當區候選人包括新民黨孔永業、無黨派梁金成；何君堯已報名參選屯門樂翠，同區候選人有民主黨盧俊宇及蔣靖雯。
更多港聞
【Emily】學生整VR game 模擬前線抗爭
【明報專訊】修訂《逃犯條例》風波觸發嘅示威衝突持續4個多月，有一班香港學生受抗爭啟發，創作咗一個以香港抗爭為背景嘅虛擬實境（VR）遊戲「光復... 詳情
【明報專訊】民主派同建制派早前都「冧人」加入唔同嘅立法會事務委員會，為求鬥人多去爭奪委員會正、副主席。隨着大部分委員會嘅爭位戰已告一段落，有...
詳情
【Emily】10月三度出trip 陳浩濂賭城推廣金融業
【明報專訊】財經事務及庫務局副局長陳浩濂（Joseph）近期頻遊飛機河，呢兩日出訪美國，去到拉斯維加斯推廣香港金融業，佢同Emily講今次已... 詳情
【明報專訊】科大下周四（7日）、周五（8日）將按原定安排於賽馬會大堂及分4節舉行畢業禮。校長史維昨向師生發信表示，上周五（25日）宣布更改畢...
詳情
相關新聞
