【Emily】被指太監急 波哥：市民話郭家麒乞人憎
[2019.10.22] 發表
【明報專訊】立法會財委會本月11日就開始選舉正副主席，經歷約10個鐘共3次會議，選出主席為陳健波，但到噚日個會仍未能選到副主席。公民黨郭家麒噚日會上話民主派爭取做副主席，係因為陳健波「皇帝唔急太監急」，令市民嘅血汗錢被倒落鹹水海。陳健波同佢罵戰，「郭家麒比我遠遠離譜，有咩理由話人太監」，又話市民有心聲：「郭家麒係最乞人憎嘅人」。
建制派推舉金融界陳振英競逐財會副主席，民主派又互相推舉，結果有24名泛民同陳振英爭。人民力量陳志全發言時形容「財委會衰過財仔會」，審批速度驚人，想提醒候選人，財會要監察政府，即使支持撥款都應積極提問。
郭家麒就話，原本財會係監督政府，唔好將市民嘅錢倒落鹹水海，可惜喺陳健波「呢種人嘅暴政下」，政府所有大白象工程、超支工程可以肆無忌憚去過，話佢「皇帝唔急太監急」，唔可以畀陳健波把持財委會。波哥反駁，「好多市民同我講，郭家麒講嘢大家唔使理，因為從來佢講嘢無人信」，引起泛民提規程問題。佢之後話會收番說話，否則會議會被拖延，又認為民主派唔係有心選主席，「係要搞我啫」。
更多港聞
【明報專訊】建制派議員何君堯言行惹火，今個星期同下星期嘅立法會大會，都分別有泛民提出譴責佢行為不檢嘅動議，聽日先由公民黨郭家麒動議譴責何君堯...
詳情
獲普立茲提名港產攝影師：佩服港攝記冒死採訪示威
【明報專訊】在港土生土長的知名華裔攝影師趙漢榮，早前憑拍攝美國加州山火照，獲美國普立茲「突發新聞攝影類獎項」最終提名。趙漢榮於美國工作約20... 詳情
【明報專訊】《人民日報》微博「人民銳評」專欄發表題為「美化黃之鋒，香港教育的病該治」的署名文章，不點名指一間中學校本教材，以香港眾志秘書長黃...
詳情
相關新聞
