【Emily】槍房軍裝警舞警棍 江sir話「唔理想」
[2019.09.13] 發表
【明報專訊】警方早前公布發放伸縮警棍畀休班警員，以便即時介入緊急情况，警察公共關係科高級警司江永祥之前就話使用警棍有嚴格指引，警員唔會拎出嚟玩；不過，呢兩日網上瘋傳有軍裝警員揮舞警棍嘅片段(圖)，令人關注警方係咪自打嘴巴。警方噚日話片段攝於舊年2月，同近日措施無關，揮舞警棍嘅係某警署一名駐守槍房嘅警員，所屬警區已跟進事件，承認警員舉措唔理想。
噚日警方記者會上，有記者問及有關片段，江永祥話嗰條片於舊年2月拍攝，同警方近日決定向休班警派發伸縮警棍無關。佢承認嗰個警員嘅舉措唔理想，相關警區會跟進，睇吓有無人需要為事件負責，𠵱家講點樣處分言之過早。
近日社會批評警方濫暴，而按照警方《程序手冊》，警員使用警棍要填寫報告，被問嗰個警員有無填過報告，江永祥就話呢個將會係跟進方向一部分。佢重申，當值或休班警員對使用裝備須認真處理，裝備只可作工作用途，使用時要能夠合理解釋點解使用，並對個人行為負責。
更多港聞
【Emily】16小時工夫 木製入閘機現中大 製作同學盼大家多關心港鐵事
【明報專訊】反修例風波下，唔少網民近日不滿港鐵，發起「跳閘」行動；Emily噚日路過中大，喺文化廣場見到有部1比1嘅木製入閘機，唔少同學圍住... 詳情
【Emily】彩雲三校人鏈 師兄弟帶埋「區軒」
【明報專訊】近日先後有多間中學嘅學生、校友喺學校外組人鏈，高呼「五大訴求，缺一不可」等口號，展示抗爭意志，唔少政界中人都會返母校參加。港島立... 詳情
教師反修例事件壓力源 87%稱政府 三成指何君堯
【明報專訊】反修例爭議波及學界，部分學生校外築人鏈，在校罷課、叫口號等表達訴求。教育專業人員協會調查指出，反修例事件中，受訪教育工作者最大壓... 詳情相關新聞
