【Emily】是否撤何君堯會籍 皇仁舊生會啟程序
[2019.08.30] 發表
【明報專訊】立法會議員何君堯(圖)喺7．21元朗襲擊事件當晚，被拍攝到同白衣人握手，並讚佢哋係「英雄」，佢母校皇仁書院一批師生之後聯署譴責，要求皇仁舊生會廢除何嘅會籍；舊生會噚日向全體會員發電郵，話接獲大量「清晰而明確」嘅意見，舊生會將收集所有會員意見，包括詢問會員係咪同意舊生會成立特別調查委員會，跟進何君堯相關行為操守。
逾2500新舊生表達意見
舊生會嘅電郵話，收到逾2500名學生同舊生透過簽名及其他渠道所表達嘅意見，舊生會跟進事件時會公平公正地收集各個會員意見，並透過問卷向會員提出4條問題，包括會員係咪同意當有會員嘅行為操守損害舊生會名譽同利益時，執委會應啟動程序考慮取消其會籍；同唔同意成立特別委員會調查；以及若委員會裁定取消相關會員會籍，執委會應否通過裁定等。
舊生會收集意見期限係9月11日，目標今年內完成整個程序。同樣係皇仁舊生嘅會計界民主派議員梁繼昌，話如果大部分會員支持成立特別委員會調查，執委會就會成立相關委員會，若委員會調查得出嘅結果證明何君堯行為不當，佢嘅會籍就會自動被廢除。
更多港聞
【Emily】天文台憶真?掛風球 一個25公斤
【明報專訊】踏入風季，「掛風球」相信係港人集體回憶之一。天文台噚日喺facebook介紹風球嘅「真身」。天文台前總科學助理屈錦城話，喺196... 詳情
【明報專訊】仲有兩個星期就係中秋節，天文台向市民提供賞月錦囊，今年中秋滿月並非喺農曆八月十五出現，而係喺追月過後，於八月十七（9月15日）嘅...
詳情
【明報專訊】網約車平台Uber 2014年7月進軍本港，至今5年，Uber噚日總結一啲有趣數字，話呢5年Uber喺香港接載乘客嘅總路程超過3...
詳情
【Emily】二陂坊「文化協會」滿佈電動麻將枱
【明報專訊】星期日（25日）「荃葵青遊行」結束後，有30幾個示威者去到二陂坊同大陂坊，破壞多間被指同黑幫有關嘅店舖，其中一間叫做「中元節文化... 詳情相關新聞
