【Emily】fb提醒報名 惹大量「疑慮」 渣馬到 網民謔「安排速龍追我」
[2019.08.28] 發表
【明報專訊】2020年嘅渣打馬拉松賽事就嚟開始報名，其中達標跑手今日可以優先報名，渣馬官方facebook專頁早兩日出咗個post叫人準備，點知就引起好大迴響。正所謂「識睇一定係睇留言」，原來有唔少網民對於出年嘅馬拉松賽事有好多「疑慮」，又問咗大堆「特別要求」，唔少都劍指近日反修例運動中警方嘅執法手法。
「無跑手編號 無後顧之憂」
好似有網民問：「跑步嘅衣著本身無預留位置放號碼布，可否不顯示跑手編號？」有人就答：「無後顧之憂呀。」有人就擔心賽事安全，因為賽道正正位於警方經常施放催淚彈嘅路線，包括荃葵青、中環、西環、油尖旺，問大會可唔可以為選手提供「full gear」上陣。另外，網民亦擔心交通安排，話渣馬係大型群眾活動，怕港鐵到時會封晒全線，無車到。
留言充滿黑色幽默，最多人回應同Emily覺得最好笑嘅一句，係有人留言問「可唔可以安排一個或多個速龍系(喺)後面追我，我想攞冠軍」；又有人叫大會安排一場「攝記vs.速龍」嘅組別，認為攝記會跑得快啲，會跑贏喎。計Emily話，參賽選手一定要記住「不受傷」，先可以跑更遠嘅路，大家報名都要加油先爭到位。
更多港聞
【Emily】紅米廣告「五大平台 缺一不可」 環球網批「缺腦如此 無藥可救」
【明報專訊】反修例運動示威者提出包括撤回修例等五大訴求，遊行中經常出現「五大訴求 缺一不可」嘅口號。小米旗下互聯網電視「紅米電視」喺微博出p... 詳情
【Emily】施永青：六七圍過域多利 明白青年圍警署
【明報專訊】反修例風波影響市道，中原地產主席施永青話最近生意額按年跌咗五至六成，仲差過SARS；不過佢噚日唔係講經濟，反而講起好多學生被捕，... 詳情
【明報專訊】6名立法會議員早前應邀訪美，新民黨主席葉劉淑儀前日喺記者會上表示，訪美議員有兩大共識，包括唔希望中美貿易戰傷害港美互惠關係、不希...
詳情
相關新聞
