【Emily】上任只有一年半 新聞處長易帥 朱曼鈴掌郵署
[2019.08.16] 發表
【明報專訊】政府高官嘅音樂椅又轉動，上任只有一年半嘅政府新聞處長朱曼鈴(Cathy)將會調離現時崗位，下月9日起接替梁松泰出任郵政署長。新聞處長同郵政署長同屬首長級D6職級，Cathy今次屬於平調。
Cathy於1988年加入政府，因屬前特首曾蔭權愛將而為人熟悉，翻查資料，佢同上一任新聞處長黃智祖都係上任約一年半多啲就調職，較一般任期3至4年短。
鄭偉源月底接任新聞處
政府新聞處負責為政府統籌傳媒採訪，肩負起向公眾解畫嘅責任，呢份工唔易做，公務員事務局噚日公布，D4級官員、教育局長副秘書長鄭偉源會喺本月29日升職做新聞處長。
鄭偉源於1989年加入政務職系，曾經於2011年8月至2015年7月期間出任發展局副秘書長(規劃及地政)，曾經係林鄭月娥擔任發展局長時嘅下屬。
另一名升職官員係康文署長李美嫦，佢將於9月10日出任財經事務及庫務局常任秘書長(財經事務)，接替將展開退休前休假嘅黃灝玄。
而現時屬首長級D4嘅政府產業署長劉明光，將於10月4日升任屬於D6嘅康文署長。現任D4嘅香港駐歐盟特派代表林雪麗，則將於9月2日升任D6嘅特首辦常任秘書長，接替丁葉燕薇。
更多港聞
【Emily】藍衫人踩場 利東孖寶議辦現連儂牆
【明報專訊】反修例風波其中一個象徵係喺社區開花嘅「連儂牆」，示威者以便利貼寫上各種訴求同心聲。噚日「利東孖寶」南區區議員區諾軒、羅健熙嘅辦事... 詳情
【Emily】「自由黨黨友」函領導 斥勿反政府 田北俊促開名：係咪入錯黨？
【明報專訊】反修例風波期間，自由黨唔少領導層都對政府提出尖銳嘅意見，有自稱自由黨黨友日前去信榮譽主席田北俊、黨魁鍾國斌、主席張宇人等，話如果... 詳情
【Emily】男子穿橙背心拍示威 now澄清非該台記者
【明報專訊】反修例風波引發連場示威，一眾記者每日奔走現場，但亦不時有人被指控係「假記者」。now新聞台噚日發聲明澄清，話發現近日有人身穿印有... 詳情
相關新聞
