【Emily】口岸辦：西九口岸長缺陽光 工作艱苦
[2019.07.31] 發表
【明報專訊】唔經唔覺高鐵香港段已通車快一年，深圳市口岸辦公室噚日出咗篇新聞稿，提到國家口岸辦巡視員白石今個月26號曾到高鐵西九龍口岸調研，一眾官員當日喺深圳搭高鐵抵達西九總站，喺內地口岸區考察海關監控中心、鐵路公安會議室等設施，仲開咗個匯報工作嘅座談會。
新聞稿引述口岸辦主任王守睿喺座談會上嘅發言，提到西九龍站口岸同其他口岸相比好特殊，政治較敏感，且工作人員「每日路途通勤時間更長、通勤換乘流程更複雜……終日常年處於地下封閉場所工作，長期處於缺少新鮮空氣和陽光的環境，工作條件更加艱苦」。
香港有唔少打工仔其實都同西九龍站口岸嘅內地口岸區職員一樣，喺office長期缺少陽光，睇嚟香港打工仔嘅工作條件都十分艱苦喎。
更多港聞
相關新聞
