急救包生理鹽水 立會外四處可見

[2019.06.22] 發表

【明報專訊】反對修訂《逃犯條例》嘅大專學界同網民前日向政府開出死線，要求喺當日下午5時前回應撤回修例等訴求，最終政府無回應，佢哋噚日就行動升級。經歷過上個禮拜三嘅催淚彈洗禮，示威者做足準備，喺立法會附近周圍放樽裝水同急救包，睇嚟係應付不時之需，好彩最後都無咁嘅需要。

仲有樽裝水衝突時可用

Emily噚日朝早留意到，立法會附近隨地放咗樽裝水，有部分地方每隔一至兩米就放咗急救包、生理鹽水同飲用水，相信都係準備喺發生衝突時，畀示威者同急救人員可以隨處搵到急救用品，唔使一定要跑去急救站。

今次示威未見有大台發號施令，但示威者各自分工，都非常之咁井井有條。

更多港聞

【明報專訊】藝人黃子華喺2003年一場棟篤笑講過：「如果你可以唔帶保鑣單人匹馬行入大型屋邨又行得番出去，我支持你終身做特首。」呢句金句不時畀... 詳情

【明報專訊】近排反對修訂《逃犯條例》嘅連串示威，唔少市民會唱歌去平靜示威者嘅心，或者表達感受。除咗紅到爆嘅Sing Hallelujah t... 詳情