港鐵App更新 提低頭族落車
[2019.06.12] 發表
【明報專訊】唔少人搭車時都會做低頭族，無留意報站分分鐘搭過龍，港鐵今日(12日)更新手機應用程式「MTR Mobile」，加入到站提示功能，乘客先喺App入面選擇起點同終點，App會喺轉線同到站時彈出提示，提醒落車，咁乘客就算keep住低頭，都唔會搭過龍。
Emily噚日試過新功能，整體上都好暢順，美中不足嘅係，功能未能結合實時服務情况，例如一旦出現服務延誤，又或者如果某啲港鐵站人流太多、要實施人流管制，到站提示功能都唔會提醒乘客去第二個站落車，不過App入面仍會有一條banner，提醒乘客突發狀况。
港鐵總經理(客戶體驗拓展)梁靜雯(Annie)話，港鐵喺各站共安裝咗2500個「信標」(beacon)，要喺手機開啟藍牙及GPS先收到提示。
另外，MTR Mobile今日開始會加入部分港鐵巴士線到站時間，以及點對點路線搜尋，Annie話呢個功能可以查到本港大部分景點嘅交通路線，除咗港鐵，App內亦會顯示其他公共交通工具選擇。
更多港聞
小三生樂於考TSA：不用上課 筆試開考 稱中文科易過校內試
【明報專訊】小三全港性系統評估（TSA）昨考中文筆試，評核分閱讀、聆聽、寫作3部分。全港官津、直資小學第二年每校抽10%小三生考TSA，學校... 詳情
相關新聞
