方國珊遊行 反「倉促」修例
[2019.06.10] 發表
【明報專訊】曾喺參選立法會時自稱「最貼地民生派」嘅西貢區議員方國珊，近日亦非常關注《逃犯條例》修訂，噚日朝早佢趁特首林鄭月娥去西貢區出席活動時，就走去對方面前遞信；下午又現身喺反修例遊行。
噚日林鄭到西貢出席該區區議會嘅社區重點項目「重建橋嘴碼頭」啟用典禮，方國珊向林鄭遞交請願信，一度被攔阻，最終都將信件親手交咗畀林鄭。方國珊話，今次修訂《逃犯條例》十分倉卒，佢認為應該全面剔除經濟同政治罪行，以及花更多時間討論修例。
方國珊噚日亦現身遊行隊伍，不過疑似係方國珊嚟緊區議會選舉嘅對手、「區政聯盟」成員陳展浚就喺facebook部分群組貼出方國珊遊行時拎住「反對倉促修訂逃犯條例」，叫大家要睇清楚佢並唔係「反對」修例，又hashtag話對方「小修小補都係建制派」。
更多港聞
【明報專訊】小三全港性系統評估（TSA）明天舉行中文科紙筆評估，說話評估已於上月中舉行，該卷分廣東話和普通話考卷。考評局回覆本報查詢時表示，...
詳情
從數百KB到超級電腦 港大IT老臣見證「.hk」誕生
【明報專訊】現時走入各大學，隨處可見一台台電腦。30多年前，在大學要尋得一台電腦並不容易。香港大學初時與其他大專院校共用電腦系統，組成大學聯... 詳情相關新聞
