林鄭七星岩睇「步步高」 講解員犯諱？
[2019.05.18] 發表
【明報專訊】特首林鄭月娥繼續大灣區既訪問行程，噚日喺肇慶七星岩景區參觀時，講解員同佢介紹一個「步步高」景點，其實係3座連續向上嘅山峰，講解員話，去到呢度會「步步高陞」。不過，𠵱家內地官場嚴打阿諛奉承，講解員嘅講法似乎唔太合適，在旁陪同嘅肇慶市委書記賴澤華即刻解圍，話「步步高」係代表「老百姓生活逐步提高」，引嚟眾人笑聲。
話說呢位賴書記係河源客家人，雖然內地官方用語係普通話，但佢陪同林鄭全程堅持用粵語交談，實行親力親為「撐粵語」。
林鄭月娥仲去咗星湖濕地公園了解生態水質保護技術，當地生態環境專家呂健話，湖內移植嘅水草可以淨化水質、產生氧氣，完全唔使投放化學物質，林鄭月娥好有興趣，仲邀請呂健去香港濕地公園訪問。
更多港聞
【明報專訊】《逃犯條例》法案委員會「鬧雙胞」爭議，立法會內務委員會噚日討論委員會去向，泛民、建制議員舌劍唇槍，多次就不同議題疊聲辯論，但其中...
詳情
相關新聞
