教徒林鄭：參透佛理可放下執著
[2019.05.06] 發表
【明報專訊】本身係天主教徒嘅特首林鄭月娥，噚日喺沙田出席「佛誕祈福大會」啟動禮並致辭，佢形容佛教係香港主要宗教之一，義理在於修心同導人向善。近期民主派批評林太堅拒就逃犯條例修訂讓步，林太就講明同民主派會面傾撤回修例係無意思，佢噚日講開佛時，就話無論佛教徒與否，如果能參透佛理，都可以學識放低執著，有所領悟，唔知係咪意有所指呢？
林太話，每年佛誕香港市民以至遊客都可以放低工作、放鬆心情，參與各區慶祝活動、「同沾佛光」，而每年佛誕都有浴佛儀式，寓意以佛祖嘅智慧洗滌內心污垢，淨化心靈。佢話今年適逢中華人民共和國成立70周年，「南天佛緣福萬家」籌備委員會即將喺新界各處舉辦慶祝活動，除咗舉行浴佛儀式為全港市民祈福，亦安排盆菜宴與民共享，同賀佛誕。
更多港聞
相關新聞
