休會前通過垃圾徵費 梁繼昌唔樂觀
[2019.04.25] 發表
【明報專訊】政府預料最快2020年底落實垃圾徵費，但自從舊年12月立法會成立法案委員會以來，至今只開咗5次會，距離立法會休會剩番兩個月左右，政府仲好似嘆慢板咁。會計界議員梁繼昌為徵費護航，佢表明支持計劃，認為徵費先至可以製造誘因減廢，但𠵱家已經4月底，審議法例嘅時間無多，每次開會政府又唔係好答到議員嘅提問，單係點執法問題已經滿足唔到大家，所以佢對呢條法例可以喺暑假休會前通過表示唔樂觀。
梁繼昌又話，垃圾徵費如果唔趕及明年立法會換屆前通過，唔止影響落實時間表，新一屆議會又要重新適應及審議，隨時搞到流產。佢認為應該通過咗條法例先，但到執法時遇到問題，政府要承諾必須即時處理。佢又話環境局遲啲會檢討嘅膠袋徵費，考慮加價及收緊豁免只係小修小補，認為應趕上國際潮流，獎勵唔派膠袋嘅商戶，以達到更大嘅減廢效果。
更多港聞
【明報專訊】負責就公務員聘任、晉升同紀律事宜向特首提供意見嘅公務員敍用委員會，近日發表2018年年度報告，透露去年就40宗公務員違紀個案提供...
詳情
第22屆校園記者﹕通宵趕製晚裝 學生時裝賽奪冠
【明報專訊】時裝設計師許麗青（Cindy）及林永鏗（Alan）開設的婚紗及晚裝品牌CINDYALAN舉辦「裁出天地亞洲時裝設計大賽——香港站... 詳情相關新聞
