《明報》鄭若驊僭建報道再獲新聞獎

偵查組同事羅霈潁（左起）、張煒明同呂耀焜（已離任）合作完成嘅「鄭若驊僭建風波」系列，奪得第10屆金堯如新聞自由獎嘅紙媒網媒組優異獎；佢哋話追呢隻故仔最難係如何證實鄭若驊嘅大宅確有僭建地庫。（馮凱鍵攝）

鄭若驊家中嘅神秘樓梯，同事話最後能夠影到真係要運氣。（資料圖片）

【明報專訊】《明報》偵查專題組憑去年嘅「鄭若驊僭建風波」系列報道繼早前奪得報業公會新聞獎後，再奪得第10屆金堯如新聞自由獎嘅紙媒網媒組優異獎。偵查組3名同事呂耀焜(已離任)、張煒明同羅霈潁噚日喺頒獎禮分享報道期間嘅挑戰，話最難係點樣證實鄭若驊嘅獨立屋確有僭建地庫。

刊登前一晚先影到神秘樓梯

佢哋話，曾經放蛇去過鄭若驊隔籬屋實地考察，證實其他獨立屋有僭建地庫，但攝記連日喺鄭若驊屋外都無辦法影到屋內嘅僭建地庫，直至報道刊登前一晚，先至影到呢條懷疑係通向僭建地庫嘅神秘樓梯。佢哋同Emily講，獨立屋嘅玻璃窗會反光，有時又會拉埋窗簾，最後能夠影到呢張相都真係需要運氣。

《蘋果日報》調查組則憑《沙中線工程醜聞》系列獲得紙媒網媒組大獎。至於電台電視組嘅大獎就由有線電視中國組首席記者黃慧茹嘅《改革開放四十年》報道系列奪得，now新聞台專題組策劃陳偉利，就憑回顧汶川大地震10周年嘅報道《掩埋的真相》獲得優異獎。

大會話今年破紀錄收到69份參賽作品，金堯如新聞基金管理委員會主席程翔仲話，基金得到金堯如長子金渡江捐助，會將10年嚟嘅得獎新聞作品結集成書，希望可以成為新聞系學生嘅參考資料。

更多港聞

羅致光嘆COMPANION不如政總人

【明報專訊】原定喺維港瞓到噚日嘅KAWS招牌公仔COMPANION，因為天氣不似預期，提早結束10日活動，上周五就無得瞓喇。勞福局長羅致光喺... 詳情

為慳幾百 劉鎮漢媽媽購物團使幾萬

【明報專訊】購物團問題困擾香港，原來連旅遊發展局總幹事劉鎮漢（Anthony）嘅家人都中招。話說Anthony媽媽近日由加拿大返港，原本機票... 詳情

放假日子 25％港童玩唔夠一個鐘

【明報專訊】聯合國兒童基金香港委員會建議兒童每日要有一個鐘遊戲時間，但香港小童群益會調查發現，54%受訪兒童喺上課日只有少過一個鐘遊戲時間；... 詳情

馬時亨喜迎龍鳳孫

【明報專訊】港鐵主席馬時亨最近被港鐵事故搞到一頭煙，但Emily相信佢呢兩日心情應該好好，因為佢迎來一對龍鳳胎外孫出世。馬時亨個女馬露明前日... 詳情

輔導員組工會 爭轉常設位 指學校資源傾斜社工 低薪無晉升階梯

【明報專訊】政府近年增撥資源加中小學社工人手，公營小學2018/19學年落實「一校一社工」，中學9月起設每校兩社工。學校輔導員不滿政府一直未... 詳情