政府一日公布10個委員會任命
[2019.03.30] 發表
【明報專訊】政府噚日一口氣公布10個委員會嘅任命，包括公民教育委員會、電影發展局同房委會等。其中房委會新委員包括公屋聯會總幹事招國偉。
公屋聯會代表重返房委會
招國偉話公屋聯會多年嚟都獲委任做房委會委員，自2014年起再無獲得委任，房委會亦缺乏其他關注基層住屋團體代表。佢今次代表聯會獲得委任，將秉持聯會「擺事實．講道理．爭權益」宗旨，積極關注同完善房屋政策，致力推動建屋安民，恢復3年上樓嘅目標承諾。委員任期由4月1日開始，為期兩年。
莊文強張艾嘉入電影發展局
電影發展局都有9個新委員，包括藝發局主席王英偉、知名編劇莊文強，兩人分別會做主席同副主席，其他新委員包括演員張艾嘉，及憑執導電影《一念無明》贏得香港電影金像獎「最佳新導演」嘅黃進等。任期由下月1日開始，為期兩年。
更多港聞
相關新聞
