阿女教路 葉劉話做瑜伽無難度
[2019.02.26] 發表
【明報專訊】近年瑜伽喺香港幾受歡迎，原來連行政會議成員、新民黨主席葉劉淑儀都略有研究，68歲嘅葉太做起動作上嚟都似模似樣。話說前日佢同新民黨常務副主席黎棟國、南區區議員陳家珮喺上環中山紀念公園，出席「瑜伽世界紀錄2019」活動，葉太話自己雖然唔係瑜伽專家，但一向喜歡做運動，囡囡偶爾都會教佢簡單嘅瑜伽動作，加上女性身體柔韌度較高，佢自言帶領黎棟國、陳家珮喺嘉賓台上做幾招舒展筋骨都毫無難度。Emily從相片所見，葉太嘅柔軟度的確比兩名黨友高。
「瑜伽世界紀錄2019」活動期間，大會安排1000人一齊做瑜伽「戰士二式」，只要堅持3分鐘就刷新健力士世界紀錄。葉太話「戰士二式」唔止可以鍛煉腰及腿部肌肉、提高身體協調性，更可以提高人嘅集中力。
更多港聞
【明報專訊】港生可參加「內地部分高校免試招收香港學生計劃」，以中學文憑試（DSE）成績報考內地院校，教育局昨公布參加的內地高等院校增至112...
詳情
第22屆校園記者：維也納兒童合唱團會長：盼音樂助人渡難關
【明報專訊】2019年2月初，維也納兒童合唱團於將軍澳邵氏影城舉辦活動，為香港大眾帶來一場音樂之旅。筆者訪問了該團會長及藝術總監格洛德?韋特... 詳情
相關新聞
