立會聯社企推紀念品
[2018.10.06] 發表
【明報專訊】唔少市民參觀立法會大樓時，都會順道購買紀念品，立法會紀念品店近期完成裝修工程大變身，亦將會推出更多新產品，第一批就係由行管會同香港展能藝術會成立嘅社企「藝全人」合作、採用本地藝術家廖東梅畫作「香港精神3」製作而成嘅一系列4款紀念品，包括真絲領帶、絲巾、公文袋同背包，售價由100元至400元不等。
根據香港展能藝術會資料，廖東梅(東東)一出世就患有腦痙攣，雖然四肢活動能力受影響，但都無阻佢對畫畫嘅熱情，多次舉辦個人作品展，05年獲選為「十大傑出青年」。
翻查資料，過往立法會紀念品最高銷量三甲分別係金屬書籤、立法會綜合大樓鑰匙扣，同埋立法會綜合大樓襟章。
更多港聞
相關新聞
