邵家臻邀署長體驗拾荒 食署：正處理
[2018.08.04] 發表
【明報專訊】拾荒者「蘭姐」早前被食環署職員票控喺公眾地方棄置垃圾，事件更要警方介入幫手執法。社會福利界立法會議員邵家臻(阿臻)就邀請食物環境衛生署長劉利群，參加「拾荒體驗學習」一日，感受?拾荒者面對嘅處境。署方噚日回信畀阿臻，話正處理有關事宜，會盡快回覆。
到底署長會唔會參加「易構體驗」仍然未知，阿臻希望署長可以直接答允，以親身經驗制訂如何對待拾荒群體嘅指引，推動拾荒者友善政策。阿臻話，希望署長嘅回覆唔會令公眾失望。
呢次「易構體驗」除咗畀機會署長體驗拾荒者嘅處境，關注拾荒群體嘅「拾平台」成員、街坊亦都會觀察食環人員工作，了解執法者難處。
更多港聞
相關新聞
