不再主持《議事論事》 李鵬飛寄語林鄭﹕畀下屬發揮

主持港台《議事論事》環節17年嘅自由黨創黨主席李鵬飛（右二），噚日結束節目主持生涯，請嚟曾俊華（左一）、李柱銘（左二）同曾鈺成（右一）敘舊，緬懷相識點滴，亦講吓對香港前景嘅睇法。（梁智康攝）

【明報專訊】主持港台節目《議事論事》長達17年嘅自由黨創黨主席李鵬飛，噚日為佢喺節目退落嚟之前錄影最後一集，佢嘅一班好友，包括民主黨創黨主席李柱銘(Martin)、民建聯創黨主席曾鈺成同前財政司長曾俊華，齊齊同飛哥回顧歷史、展望未來。特首林鄭月娥上場一年，飛哥臨別寄語林太，個人努力無法左右大局，要畀下屬發揮，亦希望林太做到大和解，形容呢樣嘢係香港目前最需要咁話。

希望林太做到大和解

講起相識往事，曾鈺成話自己係喺1980年代透過「麻將腳」認識飛哥，當時任教培僑中學嘅佢要為學校尋找政府資助，而當時飛哥已經係行政立法兩局議員。兩人節目上互笠高帽，飛哥形容曾鈺成當年攞住港大學位，去人工唔高嘅培僑中學教書，係真正用行動愛國；曾鈺成就讚飛哥係商界政治人物中比較支持民主嘅一個。

與鈺成馬丁相識逾30年

至於Martin，飛哥話佢兩個係喺1983年一個訪京團相識，其中一個接見嘅京官，就係國家主席習近平父親、中共元老習仲勳，飛哥形容習仲勳含蓄，為人「幾好」。飛哥一直認為香港要實行政黨政治，曾俊華亦表示同意，話香港如果有政黨政治，社會會平衡啲，形容現時政制有缺陷。

更多港聞

就施政報告畀意見 特首提醒fb同IG都可以

【明報專訊】特首林鄭月娥嘅新一份施政報告將會喺10月發表，諮詢工作今個月開始。除咗透過電話、傳真、電郵、網頁同郵寄表達意見，林太特別提醒大家... 詳情

8月會同學仔 楊岳橋搞讀書會

【明報專訊】公民黨黨魁楊岳橋（AY）近日收到唔少學生來信，不過唔係有少男少女搵佢訴心聲，原來佢發起「AY讀書會」，等有興趣嘅同學寫信同佢分享... 詳情

服役17年 曾走入風眼 捷流41定翼機 啟德永久展覽

【明報專訊】曾為飛行服務隊服務17年嘅捷流41型定翼機，由赤鱲角移至啟德跑道公園作永久展覽，市民可近距離參觀。呢架飛機服務時任務多多，包括搜... 詳情

投票「實現民主燈神」 民建聯終極燈法國

【明報專訊】世界盃期間民建聯議員被指撐邊隊死邊隊，成為「燈神」；佢哋早前更發起網民投票，問網民想佢哋「燈」邊隊，噚日民記facebook就出... 詳情

踢波共融

【明報專訊】維多利亞青年商會噚日舉行「世界足球共融比賽」，雖然「踢波先嚟落雨」，但一眾華裔、尼泊爾同印度等少數族裔嘅小朋友，踢得不亦樂乎。足... 詳情