特首有令 七一起播 林鄭班子要拍片 各自曬政績

林鄭月娥（前）要求司局長拍片回顧一年工作。圖為佢上年同問責官員開集思會，其後自拍。（資料圖片）

【明報專訊】好快又七一，即係特首林鄭月娥(Carrie)及班子上任一周年，Emily聽聞林太早前落咗指示，除咗自己，請埋司局長都要拍條片講吓自己過去一年做咗乜，形式不限，做好就七一起輪流放上社交平台宣傳咁話。Emily聽到有啲官員條片走風趣幽默路線，亦有人做咗3分鐘短片剪輯自己做過乜。

自由發揮 有人走幽默風

記得去年Carrie就叫問責官員喺DSE放榜時，各自回母校同師弟妹打氣，據聞今年未有呢個安排，而係叫大家去拍片，至於大家點拍、搵邊個幫手拍，就自由選擇。特首下旨，大家豈敢不從，各官員都絞盡腦汁，希望出鏡效果好啲，至少唔好悶親市民。拍好嘅片段會喺七一後分批播出，料林太自己應會打頭陣。至於播放渠道，就盡量喺番各人嘅個人或政策局社交媒體帳戶播放，如果連facebook帳戶都無，先搵新聞處幫幫手。

本屆政府嘅問責官員都陸續開facebook，多同網民交流，但唔係每個問責官員都有個人facebook專頁，現時只有5個司局長有個人專頁，包括財政司長陳茂波、環境局長黃錦星、食衛局長陳肇始、教育局長楊潤雄，以及政制及內地事務局長聶德權，其餘大部分司局長都係透過政策局嘅專頁講解自己嘅工作，不過，律政司同保安局就無設置任何社交平台。至於林太嘅fb專員，就已有逾3.6萬「like」。

更多港聞

太古廣場店結業 「香港唱片」熟客﹕享受同小朋友一齊逛

【明報專訊】有30年歷史嘅「香港唱片」（Hong Kong Records）因為經營困難，金鐘太古廣場分店噚日結業。幫襯咗20年嘅常先生話，... 詳情

漁署允縮短檢疫期 方便港人領養澳門賽狗

【明報專訊】逾80年歷史嘅澳門逸園賽狗場將於7月下旬結業，超過600隻格力犬有待領養，港人領養要經一定程序，澳門犬來港要先通過4個月隔離檢疫... 詳情

歷史檔案館藏品 5.7％數碼化 朱福強呢鋪撐政府﹕唔覺有問題

【明報專訊】科技發達，唔少政府機構都講數碼化，政務司長辦公室噚日書面回覆立法會議員提問，披露咗歷史檔案館數碼化進度，原來檔案館150萬項藏品... 詳情

張明敏高鐵上高唱愛國歌

【明報專訊】本港青年團體近日組團訪問內地，包括深圳、武漢、北京，據稱呢個由全國政協委員霍啟剛帶隊嘅訪問團，將會獲國務院副總理韓正接見，相當高... 詳情

補習名師稱貼中題 楊潤雄指宣傳伎倆

【明報專訊】早前有補習名師被控非法接收文憑試題目，教育局長楊潤雄昨日回應立法會議員有關懷疑試題外泄個案問題，指自首屆文憑試（DSE）推出以來... 詳情