黃日華羅鈞滿撐美斯熱捧阿根廷 世界盃周四開鑼 麥明詩睇靚仔
【明報專訊】四年一度足球盛事世界盃於周四(14日)揭開序幕，一眾球迷已率先展開一輪牙骱戰熱身，預測哪一支國家隊能捧走獎盃。香港明星足球隊成員與一眾藝人亦各有心水，看誰獨具慧眼，能貼中冠軍。
娛樂組
黃日華於明星足球隊擔任中堅、左翼及中場位置，踢波踢了半個世紀。一向追捧巴西的他，今次希望巴西「死敵」阿根廷捧盃，皆因他希望阿根廷球星美斯(Lionel Messi)退休前可捧一次世界盃。黃日華曾於1994、1998、2002及2006連續4屆世界盃飛往主辦國觀賞賽事，他大讚在現場睇波所感受的氣氛很澎湃，最難忘1998年法國世界盃，決賽法國對巴西一戰，巴西表現失準，0：3不敵法國，令他很失望。黃日華睇波不會被家人投訴，但會叫他少看些，畢竟年紀大，不要經常捱夜，故他現在只選重要賽事來看。
關禮傑睇好黑馬比利時
關禮傑於明星足球隊是右閘，球齡達30年。他表示較看好比利時以黑馬姿態奪冠，屆時除了欣賞一眾球星如夏薩特(Eden Hazard)、法國的基沙文(Antoine Griezmann)的球技外，亦期待一眾法國新晉球星的演出。關禮傑說老婆不會阻止他睇波，他稍後亦會隨明星足球隊到俄羅斯觀賞決賽和閉幕禮。
任達華偕妻女俄羅斯睇波
在明星足球隊擔任前鋒、翼鋒的羅鈞滿，他追捧的意大利隊未能進入世界盃決賽周，所以他選擇做中立球迷，看好阿根廷及英格蘭。他指英格蘭今屆沒有太多球星，無了「大哥主義」，實力平均，可視為黑馬。他支持阿根廷，因為今屆是美斯最有、最大及最後機會捧走世界盃，如果對方要成為球王級，要靠這個世界盃加冕；球王不止要幫到球會，還要幫到國家。
任達華看好法國和巴西是奪冠熱門，讚兩隊都好波。他透露將赴俄羅斯睇兩場賽事，老婆和女兒會由歐洲飛往當地會合他，女兒也熱愛足球，特別喜歡葡萄牙球星「C朗」基斯坦奴朗拿度(Cristiano Ronaldo)，靚仔又好波。
麥明詩情意結支持英格蘭
麥明詩追捧英格蘭，以前她在英國讀書受到薰陶，對英格蘭球員較熟悉，亦有一份情意結。她笑言除了睇靚仔，還會睇球員的團隊精神，不同位置的配合，一齊為球隊付出。屆時她會邀請一班朋友去其屋企睇波，可以瘋狂一點。
陳凱琳鄭嘉穎打對台
陳凱琳看好巴西和西班牙，卻喜歡上屆冠軍德國，並希望今屆能衛冕成功。男友鄭嘉穎則喜歡阿根廷，因有球星美斯助陣，如果時間配合，他們會一齊觀賞世界盃賽事。
高海寧於2010年曾到南非現場觀看世界盃，開心見證西班牙奪冠軍，今屆亦睇好西班牙再次捧盃。她重申睇波向來不睇靚仔，愛睇才華，欣賞球員間的默契和合作性，斯文波最有睇頭。
是否約定緋聞男友鄧智偉睇波？高海寧稱要約志同道合的朋友睇波才有氣氛，馬國明是不錯對象：「知他喜歡睇波，可約埋他和黃心穎睇。」
王宗堯主持世界盃節目
王宗堯的心水是德國、法國和巴西。世界盃期間，他要留港做世界盃節目，盡量睇足所有賽事，捱眼瞓也值得。他打算與一班黑浪足球隊隊友落酒吧睇波，如女朋友有興趣，也可以一齊睇。
■更多娛樂猛料 ﹕ol.mingpao.com
