原定講新平台 馮檢基突撤傳媒茶敘
[2018.06.07] 發表
【明報專訊】近期傳出退黨傳聞嘅民協元老馮檢基(圖)，噚日下晝本來以個人名義約咗一班傳媒茶敘交代近?，包括講佢新成立嘅民生政策平台，但基哥朝早突然通知傳媒，話茶敘「因故」取消，不過無講細節，只係話會盡快安排另一時間同傳媒見面。Emily噚日以短訊問基哥取消茶敘原因，基哥就話「遲啲再通知」。
基哥日前接受本報專訪，未有回應係咪退黨，佢提到會喺7月推出新書，回顧從政生涯，並為社會問題提供出路，更會披露一啲政圈內幕。立法會前議員劉小麗早前宣布撤回宣誓案嘅上訴，意味九龍西將會有補選，基哥喺專訪話現時忙於寫書，唔會諗補選嘅事，至於2020年會唔會出戰換屆選舉，佢就話現時唔會睇兩年後嘅事，但就話應由民協新人出選。
更多港聞
癌父啟發理大生製安老家具 設計變成品 父死無緣用
【明報專訊】理工大學產品設計學畢業生朱曉盈的父親去年初患上腦癌，由於兄弟姊妹在澳洲生活，她去年毅然休學一年照顧父親。朱目睹父親一年半內從能夠... 詳情
相關新聞
