兩原則﹕不違法 沒錯字 劉鳴煒網絡平台「無王管」

劉鳴煒話幫佢打理網頁嘅團隊年齡中位數係26歲。（馬會提供）

【明報專訊】青年事務委員會主席劉鳴煒曾被人形容係「男神」，有女士讚佢「package」好好，不過，劉鳴煒話唔相信家境好等同人生勝利、學業勝利，話自己識好多同佢背景類似嘅朋友，大學都未畢業，或者只係勉強畢業，「人生中沒什麼他們認為或別人認同的成就」。劉鳴煒又話，唔認為富裕嘅家庭背景係原罪，所以佢對於外間嘅批評都係一笑置之，「睇得開一點，如果輕易受這些批評所困擾，才是真正失敗」。

「家境好非原罪　唔信等同勝利」

劉鳴煒目前開設咗4個網絡平台同青年接觸，但佢話唔想做KOL(Key Opinion Leader，關鍵意見領袖)。「所謂KOL，其實是精英制，無可能700萬人都是KOL，大多數人可能無個K，只是OL。」佢話社交媒體主要交由團隊管理，「除了『不違法』及『沒錯字』兩個原則，基本上是無王管」。佢又話社交媒體「留言質素普遍不高」，反而「粗口吸納得最多」，因此社交媒體唔應該取代正面接觸。

自稱「典型受父母干預例子」

馬會公共事務部新一期嘅《駿步人生》訪問咗劉鳴煒，佢形容自己成長時都面對唔少轉折，喺香港讀中學後去咗加拿大，之後再去英國讀大學，佢形容呢個係典型受父母干預嘅例子，透露當年想去美國讀大學，「結果我去了英國，當年是非常不願意」。劉鳴煒話不論係升學、揀科定搵工，都唔建議家長將自己未完成嘅心願投放喺子女身上。

劉鳴煒喺訪問中透露，自己喺外國生活多年，識做家務亦鍾意入廚，大部分都係煮西餐，亦會自製點心、叉燒等，試過自製奶黃包，連奶黃都係自己煮，「都是網上看食譜自學，只要按步驟做，基本上都OK」。

更多港聞

知足常落揮春翻炒 麥美娟「多謝泛民」

【明報專訊】年近歲晚，唔少議員都會落區為街坊寫揮春，近日網上瘋傳一張印有工聯會麥美娟（Alice）名字嘅揮春上寫有「知足常落」，被人質疑建制... 詳情

土淹旭龢 前土力處長險死還生

【明報專訊】香港山多平地少，早年常有大型山泥傾瀉，發展局長黃偉綸噚日發表網誌，內容係邀請四任土力工程處長同場話今昔，佢哋都經歷過1970年代... 詳情

夫婦關係有分計 明愛推App助解困

【明報專訊】兩個人一齊，不外乎坦白同真誠，可惜好多夫婦以為一味忍同遷就就係好，又或者成日嗌交，但搵唔出原因。香港明愛家庭服務近排就推出「婚姻... 詳情

中聯辦副主任 遊記唱好高鐵

【明報專訊】立法會即將審議高鐵一地兩檢嘅本地立法草案，特區政府官員過去都分別用唔同方法推銷高鐵有幾好，近日連中聯辦副主任楊健亦加入推銷，中聯... 詳情

需小手肌訓練 學校僅語言治療 小學SEN支援未對症下藥

【明報專訊】特殊教育需要（SEN）學童於幼稚園（學前）時期所得的支援較全面，香港社區組織協會（SOCO）的報告指出，學童一屆6歲，支援便出現... 詳情