元旦遊行 覆核王清潔工也籌款

「長洲覆核王」郭卓堅（右）亦趁元旦遊行籌款，佢話今日會就一地兩檢事件入稟司法覆核林鄭月娥。（鍾林枝攝）

天主教香港教區榮休主教陳日君樞機（中）噚日亦有現身遊行，喺「守護公義基金」嘅街站幫手籌款。（鍾林枝攝）

被禠奪立法會議員資格嘅社民連梁國雄（後方枱上）噚日喺遊行路上設街站籌款，稱「自己好窮，社民連都好窮」，需要市民支持。（馮凱鍵攝）

【明報專訊】民陣噚日舉行元旦遊行，由銅鑼灣東角道遊行到政府總部東翼前地(俗稱「公民廣場」)，今年除咗提出多個議題，仲有多個團體同政黨籌款，其中「守護公義基金」嘅籌款街站可謂最熱鬧，除咗有佔中三子坐鎮，仲有天主教香港教區榮休主教陳日君樞機，同埋被DQ並積極考慮參加九龍西立法會補選嘅姚松炎等人幫手宣傳，呼籲市民捐錢。

守護公義基金多人捐錢

趁遊行期間籌錢嘅仲有「長洲覆核王」之稱嘅郭卓堅。郭卓堅之前想打官司多申請法援，但早兩個月收到政府發信，話佢打得太多官司，3年內唔准再申請，所以噚日就同埋團隊成員出嚟籌錢，但就冇目標金額。

近日一地兩檢引起法律爭議，郭卓堅話今日會入稟司法覆核特首林鄭月娥，喺一地兩檢事件上放棄香港行政同司法管轄權，出賣香港，違反宣誓承諾維護基本法，要求法院取消林太嘅特首資格。佢又話，會喺一地兩檢草案上咗立法會作本地立法後，再司法覆核一地兩檢安排。

講番遊行，民陣早前話有10多個團體已通知會喺遊行中籌款，現場所見除咗有政黨籌款，亦有正在罷工嘅海麗邨清潔工；而喺「守護公義基金」街站就見到唔少市民捐錢支持，守護公義基金受託人陳日君亦喺度撐場。守護公義基金前日喺facebook度講，成立至今已籌得逾1000萬，但有一半已經用咗，款項係用嚟承擔「DQ4」(劉小麗、梁國雄、羅冠聰同姚松炎)有關被撤銷議席官司，以及就快開審嘅「佔中九子案」等嘅訟費。

香港眾志、社民連、民主黨及小麗民主教室等政團都有喺遊行中籌款，其中民主黨籌得7.8萬元，海麗罷工基金就籌到逾4萬元。社民連梁國雄仲帶埋寓意特首講大話嘅「長鼻特首林鄭月娥」巨型頭像去街站嗌咪。

更多港聞

迪士尼「最後」煙花 「天色好特別靚」

【明報專訊】香港迪士尼樂園嘅「星夢奇緣」煙花表演，隨住城堡擴建展開，噚晚結束後就會告別一段時間，起碼下年先至恢復。最後一場表演由化身魔術師嘅... 詳情

去年政治環境複雜三成人話難評

【明報專訊】民建聯噚日元旦公布一個有關市民對過去一年嘅評價及對新一年期望嘅調查，結果顯示，市民過去一年總體開心指數平均分係3.38分（滿分5... 詳情

龍獅元旦去勻港九

【明報專訊】一年一度香港龍獅節噚日元旦舉行，今年係第8屆，而香港龍獅節喺2011至2014年已經分別創下獅子、龍、麒麟、大頭佛表演嘅健力士紀... 詳情

「個心漏咗喺你度…」警籲小心財物

【明報專訊】繼聖誕節播出《愛的故事上集》短片之後，警方噚日喺facebook出埋下集。兩條片分別講「阿安」約女神出街同表白，上集學電影Lov... 詳情

辦學權明年屆滿 興德傾向續辦 雷其昌：刑事調查後決定最理想

【明報專訊】屯門興德學校被揭有「影子學生」和校政問題，成為去年廣受關注的教育新聞，該校在換校長後順利開學，惟辦學權將於2019年8月31日屆... 詳情