工盟踩田北辰場 爭17日勞工假 二少自稱良心僱主：員工假期多過法例

職工盟成員噚日扮成卡通人物迷你兵，去咗佐敦嘅G2000分店抗議，話想幫員工爭取劃一每年17天勞工假，佢喺舖頭轉個圈叫幾句口號就出返嚟，無點阻礙店舖做生意。（曾憲宗攝）

【明報專訊】聖誕前夕，職工會聯盟成員去咗實政圓桌召集人田北辰開設嘅時裝店G2000踩場，話田二少作為議員，喺立法會講過，聘用嘅僱員可以獲得「各類優於法例所訂的假期福利」，但工盟就話「田老闆」係「講一套做一套」，G2000店舖員工只有12日法定假期，較寫字樓員工17日假少。

田二少知道事件後大呼唔公道，指工盟去抗議時基本概念都搞錯，強調自己係良心僱主。田二少話，佢係講過員工假期待遇高過勞工法例，但無講過唔同崗位員工有同等安排，又反問CEO待遇係咪要同前線員工一樣先啱？

勞工公眾假睇齊？ 田二少話無所謂

田二少話，G2000店員年假有9日，多過政府法例兩日；政府要求員工每周有一日休息，而店員每月有8日假，再加上法定要求嘅12日法定期(勞工假)，加埋加埋，店員每年享有嘅假期日數，比法例要求已多咗46日。佢反問工會，係咪想佢啲員工每年只增加5日法定假期，而唔係佢提供嘅額外假期先。至於工會要求政府將勞工假與公眾假期睇齊，佢話無所謂，因對佢無大影響。

職工盟就話，香港仍然有97.8萬名打工仔女受「勞工假」呢個歧視制度限制，話政府對此視若無睹。工盟又話，除咗G2000，仲有巴士公司、主題樂園等大集團，寫字樓員工可享17日公眾假期，前線工人就只有12日勞工假，要求佢哋善待員工，劃一放17日。

更多港聞

林鄭一家遊桂林 fb曬全家福

【明報專訊】曾因捱夜工作被丈夫林兆波話「黐線」嘅特首林鄭月娥，上周五起一連6日離港休假，係上任後首次休假，佢喺噚日平安夜兩次更新facebo... 詳情

警發「冤氣報告」：放閃影響交通

【明報專訊】警方噚日喺facebook專頁發放「冤氣報告」應節短片，由「升級報道員阿安」主持。佢話每逢佳節，部分地區都有大量人流聚集「打卡放... 詳情

陸頌雄睇本地波 「最好嘅聖誕禮物」

【明報專訊】聖誕假期開始，唔少人都有慶祝活動，工聯會陸頌雄（圖左）噚日就去咗旺角球場支持本地足球，仲呼籲大家入場捧地區球會嘅場。身兼元朗區議... 詳情

小丑都要進修 再培訓局推進階課

【明報專訊】喺嘉年華同生日會等場合，不時見到小丑表演，其實做小丑有好多技能要學㗎，僱員再培訓局3年前開咗個小丑藝術表演課程，成個課程有172... 詳情