第三架退役九巴贈學校
[2017.12.22] 發表
【明報專訊】目前巴士普遍行駛17年就要退役，九巴舊年起舉辦「舊巴士及退役巴士捐贈計劃」，捐贈退役嘅單層或者雙層巴士畀非牟利機構循環再用，至今九巴已經捐出咗3架退役巴士，最新一架退役巴士噚日捐畀佛教中華康山學校，巴士型號丹尼士三鋒12米，將會重新改裝成學生多元活動中心，包括英語室、流動圖書館同視藝展覽室，用作唔同主題教學、學習英文、讀書會等。
校長吳永雄話九巴呢項計劃好有意義，透過改裝舊巴士可以令學生有嶄新學習體驗，而且仲可以令舊巴士再次發光發亮，希望舊巴士改裝為學生多元活動中心後，可以啟迪同發揮小朋友嘅語言同藝術等多元智能。九巴就話，希望舊巴士可以轉化為教學或其他有意義用途，做到資源循環再用，繼續服務市民。
更多港聞
【明報專訊】過多幾日又到聖誕，今年天主教香港教區主教楊鳴章喺聖誕賀辭，就講耶穌出世時，瑪利亞同若瑟嘅辛酸，仲話真正嘅喜悅係要通過共同承擔困難...
詳情
東華水泉澳辦學 新小學半日教書 下午導修特色課
【明報專訊】位於沙田水泉澳博泉街的新小學校舍，終由東華三院成功投得，由於該校舍加入了先於空置校舍營運的過渡安排，東華三院須於下學年起暫時使用... 詳情相關新聞
