中總搞活動VR睇一帶一路
[2017.12.02] 發表
【明報專訊】「中總一帶一路繽FUN遊」噚日開始，吸引咗越南、南非、伊朗、沙特阿拉伯等近20個國家同城市嚟香港擺攤位，介紹各地旅遊、文化同美食，市民可以到場品嘗各地特產，仲可以聽睇埋菲律賓樂隊同南非鼓等表演。
會場又設有互動體驗區，市民可以利用VR虛擬實境裝置，360度全方位觀賞菲律賓嘅熱帶風情、瑞士阿爾卑斯山嘅湖光山色，仲有蘇黎世嘅秋天景色。
遮打花園舉行聽日完結
民族服飾大電視同體感遊戲，就畀參加者模擬換上埃及等充滿民族特色的頭飾，化身古人，喺絲路地區多個國家做生意，邊行邊欣賞沿途地勢面貌，仲要克服各種障礙物。
活動由香港中華總商會舉辦，市民可憑券免費入場，去到聽日(星期日)完，喺中環遮打花園舉行。
更多港聞
【明報專訊】維港有新面貌！中環摩天輪終於落實本月20日重開，而「幻彩詠香江」噚晚亦大變身，除咗加入LED屏幕外，連背景音樂都變埋，換咗英國管...
詳情
相關新聞
