港珠澳橋全面驗收
[2017.11.15] 發表
【明報專訊】港珠澳大橋即將完工，今年底前具備通車條件，雖然未知幾時可以實際通車，但內地央視報道，大橋主體工程經歷咗20幾日嘅荷載試驗，噚日最後一段橋面荷載試驗終於搞掂，大橋可以全面驗收。報道話，荷載試驗主要為咗驗吓條橋嘅實際承載能力，睇吓有冇移位或變形，對之後通唔通到車好關鍵；上月底開始荷載試驗後，已經先後對橋面、鋼箱樑、索塔等關鍵部件做咗外觀、靜態載重、動態載重嘅壓力測試。
測試期間，試驗人員將兩架載滿70噸嘅載重卡車，以每小時10至60公里不等嘅時速喺大橋行駛，測試大橋喺通車條件下產生嘅實際承載能力、晃動、振幅等，睇睇條橋係咪正常狀態。報道話，動態載重測試係最後一項試驗內容，目前嘅數據都話大橋各項指標符合設計要求。
更多港聞
【明報專訊】下個月8號舉行結婚酒會嘅公民黨黨魁、立法會議員楊岳橋（AY），噚日喺中環發生交通意外。當時佢揸住黑色七人車，沿中環添華道駛出夏愨...
詳情
見教聯談14億新資源方案 楊潤雄：小學教師學位化較易辦
【明報專訊】教聯會與百多名教育界人士，前天與教育局長楊潤雄會面，教聯會會長黃錦良引述楊潤雄稱，料14億教育新資源將於明年有初步方案，現階段小... 詳情
相關新聞
