fb講氣象常識反應佳 岑智明小fans問完天氣問功課

【明報專訊】天文台長岑智明(圖)噚日同一班記者食飯講科學教育，席間提到佢喺facebook都相當活躍，台長就話自己日頭返工，夜晚好多時都會上吓fb，講講氣象常識。台長同Emily講，好多小朋友會發信息畀佢問天氣，甚至係問書問功課；仲有中學生同佢講，返學就無心機，講到氣象就有心機，問佢可以點喺呢方面進修喎。

爆應徵者畫圖都唔識

台長就話，今個月25日將會喺香港科學園講talk，題目係「做台長有得揀？」，佢話將會分享自己細個嘅經歷，一路以來嘅選擇又點樣令佢今日成為台長，但具體內容佢就大賣關子，話到時聽就會知，仲話會考慮fb直播講座，等多啲人可以聽到佢嘅分享。

同場嘅港科院院長徐立之早排話大學工程收生「削足就履」，連無讀物理同高數嘅學生都收，岑智明就話天文台請人都好嚴格，點都要讀過呢啲科目，仲會再考吓應徵者，因為唔可能請咗佢之後由頭教過。台長仲爆料，話試過有應徵者話係氣象學博士，點知叫佢畫個溫度計同標示都唔識，畫咗個波板糖形狀圖案出嚟就停晒手。

更多港聞

特別郵票可預訂 鍍金靈犬小型張迎狗年

【明報專訊】香港郵政每年都會推出特別郵票，噚日就公布2018年郵票發行同訂購詳情。明年係戊戌狗年，會推出以靈犬為主題嘅生肖郵票，面值由2元至... 詳情

飛虎訓練 拍片展現第一身視角

【明報專訊】美國賭城槍擊案，令人關注各地恐怖分子或暴徒嘅行為，當地執法單位有無足夠能力應付。警方噚晚喺facebook上載一段內部精銳部隊飛... 詳情

大坑舞火龍 中秋料有雨

【明報專訊】中秋舞火龍已被列為國家級非物質文化遺產，噚日迎月，大坑坊眾福利會舉辦嘅火龍賀中秋活動，晚上率先喺大坑表演舞火龍，吸引大批市民圍觀... 詳情

明珠台播 無綫新聞下年有手語

【明報專訊】聽障社群過去爭取電視手語傳譯新聞多年，終於迎來好消息。通訊事務管理局噚日公布，話根據無綫嘅免費電視牌照，指示無綫要由明年7月3號... 詳情

民記立會新丁總結 周浩鼎「成身傷晒」

【明報專訊】今屆立法會已經過咗一年，噚日民建聯幾個議會新丁張國鈞、周浩鼎（Holden）、柯創盛、劉國勳同記者茶敘，總結經驗展望將來。早前捲... 詳情