老鼠A4紙咁大 民記選灣仔污糟街道
[2017.09.19] 發表
【明報專訊】民建聯前排收到灣仔居民投訴，話區內街道好污糟，跟進調查發現真係堆積咗唔少紙皮，仲有啲食肆夜晚將廚餘同垃圾直接扔出街，搞到老鼠橫行，灣仔區議員李均頤仲話，機利臣街啲老鼠成張A4紙咁大。佢哋篩選咗十大最污糟街道，大部分都係人來人往，例如寶靈頓道同灣仔道交界(鵝頸街市熟食中心對出)、堅拿道西橋底等。
民建聯灣仔支部主席鍾嘉敏就話，內地收緊廢物回收政策，擔心區內街道衛生會更惡劣，滋擾市民，建議政府定期搞「全港舉報衛生黑點運動」，呼籲市民提供黑點位置，同時要求食環署制訂服務承諾，限時處理黑點等。
Emily問過食環署，署方話每日都會派員清掃街道，6月開始喺灣仔區請多咗22個外判清潔員工。至於夜晚非法棄置垃圾，就有派員通宵清理同突擊執法，亦計劃明年初開始，將網絡攝影機試驗計劃推展至全港各區監察。食環署去年收到1823宗灣仔區衛生黑點投訴，今年截至8月就有1032宗；過去一年成功喺灣仔檢控3204人違反《公眾潔淨及防止妨擾規例》。
更多港聞
Ariana Grande周四港開show 警大會堂反恐演習 模擬駁火
【明報專訊】美國歌手Ariana Grande將於本周四在港舉行世界巡迴演唱會，香港警方鑑於今年5月佢喺英國舉行演唱會期間發生恐襲事件，噚日... 詳情
中大書院給最高榮譽獎學金 唇讀芷君赴英深造社會政策
【明報專訊】自小弱聽、弱視，加上觸感弱，需以唇感應凸字的「唇讀女生」曾芷君，今年於中文大學翻譯系畢業，並獲獎學金赴英國倫敦大學學院（UCL）... 詳情
【明報專訊】與地球近似的星體，即類地行星（例如水星、金星、火星和月球），其表面與地球看似很大分別，但一群來自美國太空總署、漢普頓大學與香港大...
詳情
相關新聞
