一哥與非華裔警食早餐
[2017.07.26] 發表
【明報專訊】近年警隊不乏非華裔嘅新紮師兄，警務處長盧偉聰(一哥)本月7日就邀請咗9名非華裔警員齊齊食早餐。今次「一哥」特別準備咗豐富嘅傳統南亞式早餐同開齋節嘅甜品，同佢哋慶祝伊斯蘭齋戒月結束，仲影相留念。
早餐會上不乏熟悉面孔，其中一名警員就係今年3月成功勸服同鄉從吊臂車落番地面嘅巴基斯坦裔軍裝警范業成。另一人就係香港回歸以來首名非華裔警員晉升警務督察嘅巴基斯坦裔呂文迪。
盧偉聰過往兩年藉住「早點有你」活動，邊食早餐邊同警務人員或文職人員分享工作經驗，今次佢就話希望一班非華裔警員可以擔任警隊大使，積極鼓勵非華裔青少年參加警訊活動同加入警隊，為香港撲滅罪行。
更多港聞
【明報專訊】香港大學民意研究計劃噚日發放最佳公共交通機構評分，結果發現市民最熟悉嘅公共交通機構係九巴，但評分調查方面，港鐵表現最好。民研計劃...
詳情
相關新聞
