引劉江華為例 唐英年支持蔡若蓮做副局
[2017.07.11] 發表
【明報專訊】新任特首林鄭月娥上場後，政界大吹和風，曾喺特首選舉中高調撐林太嘅政協常委唐英年噚日都讚不絕口，話林太說話、姿態都真係做到「包容、兼聽」。不過唐唐就話嚟緊有兩個挑戰可以試到真章，包括副教育局長人選同埋「一地兩檢」。但對於民主派強烈反對福建中學校長蔡若蓮擔任副局，係咪需要順應民意，唐唐卻力撐人選，話林太應堅持自己選擇。
唐唐解釋，只係見到泛民有兩個反對理由，一係蔡若蓮曾落選立法會，二係對方來自教聯會、有左派背景。佢就用年前落選立法會舉選嘅民政事務局長劉江華做例子，反問﹕「劉江華做得唔好咩？」港大民研6月底做咗個問責官員合適度調查，認為劉江華適合做新政府局長嘅合適度淨值，即係適合減去不適合，係-14點。至於港大民研6月做嘅上屆官員民調，劉江華嘅支持度淨值就係-25點。
唐唐又反駁，「教協係中立咩？」佢話現任勞福局長羅致光來自民主派，但無人會質疑佢背景，更指自己都會全力支持羅致光。唐唐就希望市民「聽其言、觀其行」，又講笑話蔡若蓮無前任特首梁振英「咁大殺傷力」。
更多港聞
教育新撥款最快周五上財會 民主黨公民黨﹕不會因蔡若蓮阻撓
【明報專訊】立法會教育事務委員會昨通過將政府36億元首批教育新資源，提交財委會審議。民主黨和公民黨表明，不會因教聯會副主席蔡若蓮或任教育局副... 詳情
第20屆校園記者：訪問競技啦啦隊 奪6月寫作獎
【明報專訊】啦啦隊不止為他人打氣，也可成為競技活動，你聽說過「競技啦啦隊」嗎？校記李奕懷月前出席「領展赤柱廣場夏日音樂節」活動，訪問由本地年... 詳情相關新聞
