反圍標活動 競委會奪國際獎
[2017.05.30] 發表
【明報專訊】競爭事務委員會(競委會)自成立後一直致力打擊圍標，佢哋舉辦嘅「打擊圍標全城目標」宣傳活動，最近就喺國際競爭規管網絡同世界銀行集團合辦嘅競爭倡導比賽，於「成效為本：計劃、實行及監察倡導工作」組別奪得大獎。
呢個比賽其實旨在畀公眾認識世界各地嘅競爭事務當局喺推動競爭方面嘅角色，當中4個組別嘅優勝者同優異獎得主，都係喺各地提交嘅作品中選出。競委會發言人話已經連續兩年喺呢個比賽得獎，深感鼓舞，仲話今次反圍標宣傳活動除咗提升公眾意識，仲取得個案嘅資料同證據，當中包括早前向競爭事務審裁處入稟嘅首宗案件。呢宗案件係控告5間資訊科技公司涉嫌舊年參與香港基督教女青年會嘅伺服器系統合約時圍標。
更多港聞
【明報專訊】美國網絡電視Netflix早前上映咗一套紀錄片《黃之鋒：熱血青年vs.超級強權》，講述香港眾志秘書長黃之鋒由2012年至2016...
詳情
相關新聞
