陳健波問「做發展局長有幾真？」 謝偉銓：立會生活可貴難忘

【明報專訊】候任特首林鄭月娥新班子人選的傳聞，可謂天天新款、日日不同，每幾日都有新人名傳出。早前有報道話林太已經邀請建築測量界前立法會議員謝偉銓(圖)出任發展局長，事態又有最新發展，有講法話呢個消息傳出只係幾日，惹嚟唔少批評，去到噚日傳出謝偉銓應該唔會做發展局長，至於會係邊個，仍然要睇睇林太嘅努力，相信搵到合適人選嘅難度會與日俱增。

政圈唔少人都關心謝偉銓入閣嘅傳聞，其中立法會議員陳健波噚日開會時，都有WhatsApp謝偉銓，關心下老友嘅去向，兩人嘅WhatsApp對話仲畀傳媒影咗相，對話裏面，陳健波問「你做發展局局長有幾真？我梗係希望係真嘢，咁我出年都加入發展事務委員會撐你」，謝就回覆「感謝健波兄一如往常支持立會生活可貴難忘」。

陳健波就唔滿意自己私人對話畀人影到，覺得自己撐老友當然無問題。不過佢話，自己唔會解讀謝偉銓嘅回覆，「有啲人解讀佢即係唔係(做局長)囉」。

另外，Emily聽聞審計署長孫德基會繼續做，而廉政專員白韞六留任嘅機會亦高，有政圈中人講起，唔計李寶蘭嘅人事風波，其實白sir任內都真係有整理好湯顯明留低嘅亂象，ICAC亦都有照打大老虎，包括起訴前特首曾蔭權。

更多港聞

「狗仔隊」點人數 建制派也不滿

【明報專訊】近年每當立法會審議重大法案時，政府都會派出俗稱「狗仔隊」嘅政府人員，睇實議員出入點算人數，由議員行出會議廳、離開立法會大樓等，每... 詳情

副局長影「畢業相」

【明報專訊】今屆政府任期即將完結，現屆班子官員或去或留，都會各散東西，一班副局長前日就特登一朝早返到政府總部，影返啲合照留念，其中一張儼如學... 詳情

一碟乾炒牛河 耗水超港人每日用量6倍

【明報專訊】原來整一碟乾炒牛河需要消耗1238公升水，係香港人2015年每人每日用水量182公升近7倍！香港大學社會科學學院為咗鼓勵市民要多... 詳情

代周浩鼎 漁農界何俊賢料入UGL委會

【明報專訊】民建聯周浩鼎早前退出立法會調查UGL專責委員會，以平息政治風波，立法會內委會噚日決定下周五喺內會提名同補選呢個空缺。獨立毛孟靜喺... 詳情