電車藝術 倒映街景扣連《對倒》
[2017.03.25] 發表
【明報專訊】有超過110年歷史嘅電車，最近搖身一變成為「流動藝術」。電車公司噚日宣布同本港藝術家伍韶勁(Kingsley)合作，喺3月底巴塞爾藝術展香港展會期間，重組兩部電車嘅車廂，將兩部電車變成「流動相機暗室」，喺電車上層左右兩邊，分別裝置一個暗室投影光圈，光線由細孔照入電車裏面，戶外嘅影像會變為倒轉咗嘅光影，投映入密室裏面。
車廂內仲設有香港著名小說家劉以鬯《對倒》嘅節錄朗讀同伴樂，透過《對倒》故事入面嘅平行情節，同港人熟悉嘅戶外街道風景互相扣連，令乘客以另一種方式去感受香港。
呢兩部電車將會喺銅鑼灣、西港城同上環來回行駛，車程大約25分鐘，將會駛到呢個月28號，免費對公眾開放。有興趣嘅市民不妨睇下有無機會撞到呢兩部電車。
更多港聞
相關新聞
