讚前瞻方式善用盈餘 CY「非常認同」茂波預算案
[2017.02.23] 發表
【明報專訊】特首梁振英(CY)「愛將」、財政司長陳茂波走馬上任一個多月，噚日發表任內首份預算案。對於陳茂波嘅「處子作」，老細CY噚日高度評價，用上「非常認同」字句，讚賞茂波提出嘅公共財政目標同方向。
林煥光讚「難以抗拒」
Emily留意到，對於上一任財爺曾俊華嘅表現，CY喺過去4年預算案後公布嘅聲明，僅2014年用過一次「認同」，話贊成曾俊華提出加快人流、物流、資訊流通。
CY噚日評價茂波嘅預算案，話預算案推出嘅一系列措施，唔單止令市民分享經濟發展成果，同時用前瞻方式善用盈餘，預留資源喺安老院舍、青年及體育等發展。其實，曾俊華之前都算有份參與制訂呢份預算，唔知CY今次嘅讚賞，曾俊華會唔會都與有榮焉？
行政會議召集人林煥光噚日喺立法會聽完宣讀後，亦讚係「一份難以抗拒嘅預算案」，指茂波上任咁短時間，面對艱巨學習過程，而推出咁全面嘅預算案，係「十分難得嘅工作成就」。佢又指喺保持香港穩健局面下，茂波仲可以喺多方面作出長遠、短期紓緩措施，希望社會各界支持。
更多港聞
「I don't see anything connected」 被Siri打斷 陳茂波﹕唔知咩事
【明報專訊】許步明撐場 眼泛淚光 陳茂波首次以財政司長身分宣讀財政預算案，陳太許步明噚日都有現身立法會旁聽席撐場支持。唔知係咪結語部分... 詳情
【明報專訊】猴年啱啱過咗去，一眾馬騮依舊繼續喺郊野地區佔山為王。漁農界立法會議員何俊賢早前就提出，馬騮襲擊遊人同埋闖入民居情况似乎愈來愈多，...
詳情
【明報專訊】天文台天氣預測有幾準？根據政府噚日公布嘅帳目報告，天文台喺2016年，經客觀方法驗證，向市民發布準確天氣預報嘅百分率達89% ，...
詳情
【明報專訊】財政預算案：昨日公布的財政預算案建議動用10億元推動青年發展，包括預留7億元予教育局推廣職業專才教育、支援教師進修和專業發展，以...
詳情
相關新聞
