譚玉瑛唔覺李家鼎惡 望《阿爺廚房》添食
[2017.01.07] 發表
【明報專訊】譚玉瑛昨日接受商台訪問，大談與李家鼎(鼎爺)拍攝《阿爺廚房》的趣事。有指鼎爺於拍攝時被她激親而爆粗，問到鼎爺是否好惡？譚玉瑛說﹕「無睇過報道。其實佢本身個人仲惡，拍攝時已經慈祥好多。記得最初拍攝時鼎爺好大聲，停機時就叫佢不要咁惡，佢就好惡咁話已經好慈祥。我哋好講得笑，如果佢話得我唔啱，我一定會反駁，所以點會覺得佢惡！(節目反應好，會否添食？)當然希望，開始時已想添食，但所有節目已編排好，不能夠話改就改。(可有興趣一個人做主持？)不會去想，負擔好重，見到鼎爺就知壓力好大。」談到鼎爺爆粗一事，譚玉瑛指在節目中一定無，停機後就講少少粗口，但之後愈來愈少講。
提到前烹飪節目主持方任莉莎(方太)在微博留言指譚玉瑛少點說話更好？譚玉瑛說﹕「都有點唔開心，因為我好尊敬方太，好喜歡看她的烹飪節目，我理解她想專注看鼎爺如何烹調，好明白我唔出聲可以更專注，但有時做節目就要這樣。
記者：梁榮達
更多影視
SMAP解散後首次對撼 木村拓哉草(弓剪)剛鬥谷劇
【明報專訊】日本男團SMAP已經解散，5名成員各行各路，木村拓哉與草(弓剪)剛分別擔綱冬季日劇《A Life∼心愛的人∼》及《謊言戰爭》，昔... 詳情
相關新聞
