工展會除夕邀萬名市民倒數
[2016.12.21] 發表
【明報專訊】周日就係聖誕節，唔少立法會議員都各有安排，趁休會外遊輕鬆吓，不過作為廠商會代表嘅議員吳永嘉(Jimmy)就要兼職做工展會推銷大使，無得休息。佢噚日喺工展會親自上陣，同名廚周中師傅一齊炮製「脆炒蘿蔔皮」，善用廚餘，唔做「大嘥鬼」。睇Jimmy神情集中，小心翼翼，難道係處男下廚？不過佢就自誇超好食喇。
吳永嘉煮廚餘 唔做「大嘥鬼」
廠商會今年除夕，會搞大型活動慶祝香港下年回歸20年，已邀請多名高官出席，同大家喺工展會一齊倒數，成為政府首個認可嘅頭炮慶回歸活動；屆時亦會與民同樂，邀請1萬名基層市民入場，每個人更可獲贈300元現金券。此外，廠商會出年會有一系列不同形式活動慶回歸，包括國際經濟論壇、20周年慶典攝影比賽等。
更多港聞
fb Messenger視像通話 可6人同時「面對面」
【明報專訊】facebook手機通訊程式Messenger最新版本推出群組視像對話，最多可以同時6個人面對面視像通話。 不論iOS定係... 詳情
相關新聞
