胡國興深水埗見街坊
[2016.12.09] 發表
【明報專訊】現任特首梁振英喺2012年參選特首，曾經用「一張櫈、一支筆、一本簿」爭取民心，落區到深水埗天台嘅居民大會聽取民意。新一屆特首選戰開鑼，率先宣布參選嘅退休法官胡國興噚晚都落區去深水埗，同一班基層街坊、團體接觸，不過胡官就無帶任何道具，只係到場後除咗件西裝褸，就開始同一眾街坊交流意見。
胡官噚晚7點到達深水埗一幢工業大廈，在場有40幾人向佢反映意見，唔少街坊同團體都好關注住屋問題，提到唔想再住劏房、租金愈來愈貴、希望快啲上到公屋等訴求，胡官主要都係聽居民意見，又收咗團體畀佢有關反對「小圈子」選舉、改善社福政策等請願信，原定約1小時嘅諮詢會，最後搞到晚上9點先結束。
更多港聞
校長攜學生行山上學練意志 清晨行斜路1.5小時
【明報專訊】《中學概覽2016/17》昨天出爐，多間中學列出助學生減壓及提升抗逆力措施。位於大嶼山大澳的佛教筏可紀念中學，57歲的校長惲福龍... 詳情
相關新聞
