賀理大校慶 林鄭推銷一帶一路
[2016.11.26] 發表
【明報專訊】政府近年積極配合「一帶一路」國策，政務司長林鄭月娥噚日喺理工大學(前身理工學院)80周年校慶啟動禮演講，亦不忘推銷，讚揚理大喺建立社會聯繫方面十分出色，而香港作為「超級聯繫人」，未來成功都要靠聯繫，一帶一路就為香港帶嚟無限發展前景。林鄭話，理大近年喺國際排名攀升，證明理大具影響力，亦象徵香港高等教育快速發展。
噚日活動星光熠熠，除咗林鄭同多個局長，港區人大代表劉佩瓊同吳秋北都有到賀，加埋歌唱組合C AllStar演唱，吸引過千人出席。林鄭讚理大研究項目出色，話大學係嶄新意念冒起發展、文化交流同塑造社會嘅地方，而理大正正編織全球網絡，進一步促進教育發展同文化互動。
更多港聞
【明報專訊】距離聖誕節尚有1個月，香港郵政宣布，本地聖誕郵件截郵日期係12月21日（星期三），話預期節日前郵件量大增，喺截郵日期後投寄嘅本地...
詳情
相關新聞
