劉鳴煒：CY大仔無申請入新醫學中心

【明報專訊】華人置業主席劉鳴煒舊年捐出4億港紙，畀瑞典卡羅琳醫學院嚟香港成立「劉鳴煒復修醫學中心」，咁啱特首梁振英(CY)大仔梁傳昕亦畀卡羅琳收咗做研究，有人質疑呢個香港分部係CY為個仔鋪路，雖然特首辦嗰陣出聲明否認捐款同CY個仔有關，不過噚日復修醫學中心開幕之後，劉鳴煒就被問到梁傳昕有冇參與香港分部嘅工作。

劉鳴煒解釋，自己只係donor(捐款人)，唔識recruitment(招聘)同科學，但據自己理解，冇收過梁傳昕申請，中心亦都冇咁嘅打算，「未見過呢位人士(梁傳昕)……我相信佢咁嘅人才同資格，大把大學想請佢……睇唔到佢點解會喺度(復修醫學中心)出現」。

唔答特首連任問題：食吓花生算

劉鳴煒嘅爸爸劉鑾雄(大劉)呢排畀人影到出入醫院，問佢有冇期望中心幫到爸爸個病，佢就話復修醫學可以改變好多人嘅命運，唔只關係到佢屋企人。身為青年事務委員會主席嘅劉鳴煒又向Emily提到，科研經費好貴，所以好多地方係靠政府同慈善團體支持。

咁劉鳴煒又想唔想CY喺呢個位做多幾年推動科研？佢即刻話，唔答特首連任問題，仲話太多人玩呢啲「連任遊戲」，「大家都係食吓花生算」。

更多港聞

高靜芝同中策組續約 至本屆政府任滿

【明報專訊】前晚喺香港專業及資深行政人員協會10周年晚宴，Emily撞到份屬「梁粉」嘅高靜芝，佢原本喺中央政策組嘅顧問合約9月底已完，大家以... 詳情

記招故障甩漏 沈旭暉勞氣：溝通唔到

【明報專訊】中文大學香港亞太研究所國際事務研究中心同智庫Roundtable合作調查香港學生嘅國際視野，噚日召開記者會公布調查結果，原本邀請... 詳情

房委會伙環團推減廢

【明報專訊】房屋委員會伙拍長春社、香港地球之友同埋商界環保協會，喺全港公共屋邨推行「綠樂無窮在屋邨」社區環保教育計劃，簡單而言，都係叫大家要... 詳情