范太拍片叫人「考慮」周浩鼎
[2016.08.25] 發表
【明報專訊】仲有10日就係立法會選舉日，各候選人都開始出動政治明星為自己催票，民建聯副主席周浩鼎為力爭「超級區議會」嘅最後一席，除咗前律政司長梁愛詩，前晚又推出一條由全國人大常委范徐麗泰同佢一齊拍嘅短片。
范太喺片中與周浩鼎對談，先問對方有咩政綱，周浩鼎介紹完後，范太就逐點評價話3點政綱都唔錯，周浩鼎就同范太講，好希望佢可以幫手向朋友呼籲吓。范太就話阿鼎係年輕有為嘅律師，好開心見到對方全心參選，「希望你哋都考慮一下佢啦」。成段說話范太無叫人投票或支持周浩鼎，只叫人考慮，范太嘅呼籲會唔會太含蓄呢？立法會選舉候選名單見附圖。
更多港聞
一哥抱恙開會不停咳 電腦勒索程式常變 警方認破解唔到
【明報專訊】警務處長盧偉聰噚日出席屯門撲滅罪行委員會，但佢一開場就同在場委員講唔好意思，仲同大家「報案」話自己喉嚨敏感，「一陣間如果我講講吓... 詳情
林卓廷「選情嚴峻」 港鐵登廣告 阿涂：佢將比自己更出色
【明報專訊】立法會選舉進入直路，唔少候選人都話選情告急，出選新界東嘅民主黨林卓廷，再斥資約30萬元，喺港鐵沿線包括紅磡至上水站及調景嶺等站，... 詳情相關新聞
