林鄭約建制派食散水飯
[2016.05.14] 發表
【明報專訊】呢屆立法會任期7月中將結束，特首梁振英早排向立法會伸出橄欖枝，邀請全體議員月底去禮賓府晚宴，Emily聽到，近排政務司長林鄭月娥亦積極出動，廣約建制派立法會議員6月至7月去佢官邸分別食散水飯。
林鄭月娥好有誠意，分開幾場招待經民聯、工聯會、民建聯、六人組，日程排到幾滿吓。收到邀請嘅工聯會黃國健就笑住話，去飯局或者會聽吓CS盡訴心中情。新民黨田北辰就估計，如果林鄭真係告別官場，亦係趁呢次機會同議員聚吓舊。不過泛民議員就暫時未收到邀請。
建制派亦禮尚往來，今個月25號邀請林鄭月娥食飯。負責邀約嘅民建聯譚耀宗就叫大家唔好諗多咗，話搵林鄭只係因為過去建制飯局從未邀請過對方。
更多港聞
【明報專訊】被稱為「Package劉」嘅青年事務委員會主席劉鳴煒，久唔久都上電台節目講吓青年事務同埋時政，不過佢噚日就少有地講到自己私人生活...
詳情
相關新聞
