半日收逾4萬「嬲嬲」 fb增新功能 CY「呃嬲」爆燈

CY人氣高漲，佢嘅fb噚日約1點貼咗去香港僱主聯合會春茗嘅相，簡單交代咗佢喺春茗演講、同學生傾偈，但係引嚟唔少網民「嬲嬲」，到噚晚9點「嬲嬲」數量已經有4.2萬個（紅框示）。（網上圖片）

【明報專訊】以往大家都喺facebook貼嘢呃下「like」，噚日fb出咗新功能，除咗可以「讚好」，仲多5種心情畀大家揀，包括「嬲嬲」、「慘慘」、「哈哈」、「嘩」同埋「勁正」。之前好多網民呻冇得喺特首CY個fb留言，新功能令唔少網民去CY fb抒發心情，令CY嘅「呃嬲」指數飈升。有網民索性惡搞電視劇《大時代》，將丁蟹同4個仔見住股票急升嘅一幕同CY fb「嬲嬲」數量急升crossover。

Emily噚晚做咗個小統計，由夜晚6點至9點，單係CY出席香港僱主聯合會春茗嘅相片帖子，4個鐘內就多咗2萬個「嬲嬲」，去到超過4.2萬個；咁「讚好」呢？就得大約1000個，相差超過40倍。有網民分享個帖子嘅時候留言，問大家「今日嬲咗未？」亦有網民讚fb今次有創意。唔單止個帖子，到噚晚9點，CY張Profile Pic都「呃」咗2.5萬個「嬲嬲」。

財爺1個「嬲嬲」都無

至於喺預算案講《憑着愛》嘅財爺，噚日都貼咗出席港台節目訪問相，同樣到噚晚9點，1個「嬲嬲」都冇喎，反而有近400個「讚好」，仲有42個「勁正」㖭。網民咁嘅反應，又算唔算挑撥呢。

更多港聞

馬會復活節嘉年華 珊珊奧運金牌助陣

【明報專訊】香港運動員唔係臘鴨，唔經唔覺，原來「風之后」李麗珊奪取奧運金牌已經20年，同年仲有輪椅劍擊運動員張偉良喺亞特蘭大殘奧會奪金。馬會... 詳情

經民聯要搞魚蛋革命

【明報專訊】退休保障公眾諮詢仲未完，商界亦唔敢怠慢，代表商界嘅經民聯噚日同傳媒茶敘，主席梁君彥話下周會向全港300幾個商會發問卷，了解商界對... 詳情

火爆姐「小心報應」片段 財爺都睇過

【明報專訊】立法會早排嘅退休保障舉行公聽會入面，關女士（圖）因機關槍式狠批政府，叫官員小心報應，講中唔少市民心聲，令佢多咗個「火爆姐」嘅花名... 詳情