剪布有力 陳健波新花名「重力波」
[2016.02.17] 發表
【明報專訊】如果唔係因為立法會拉布，大家都唔會發現，原來財委會主席、保險界議員陳健波計仔多多，創意十足。佢早排為咗抗拉布，提出搞「抗拉布工作區」。為咗解決財會大塞車，之前又建議財會「雙軌制」，即分開兩個會議時段，分別處理爭議同無爭議嘅撥款項目。
新年期間，波哥都心掛呢個提議，噚日喺傳媒茶敘透露，已尋求過法律顧問意見，對方都話雙軌制無問題。早兩日佢又積極同政府做功課，但政府就話要審議埋高鐵再諗。波哥話，政府有三大擔心，例如「咩嘢有爭議、咩嘢係無爭議，可能都有一番爭議」，建制派亦會覺得呢個做法如同向泛民跪低。佢自己就認為值得一試，因為排緊隊嘅議案若果今屆立法會唔能夠審議，9月就要全部推倒重來。
可能因為波哥最近頻頻出招，同泛民交戰，連「六散人」召集人廖長江都大爆，波哥最近有個新花名「重力波」，似乎同事都好欣賞波哥「剪布」威力。
更多港聞
【明報專訊】旺角年初一晚的警民暴力衝突，示威者擲磚頭、毆警等造成多人受傷，譴責者眾，而學聯及多間大學學會則發聲明稱「永遠站在抗爭者一方」等，...
詳情
手帶代房卡 自動開門撳𨋢 VTC學生打造長者友善酒店
【明報專訊】旅遊市場吹淡風，社會老齡化下，酒店也要積極開發銀髮市場。職業訓練局（VTC）首次舉辦長者友善設計比賽，讓不同專業的學生設計符合長... 詳情
【明報專訊】教育局就更新中文領域和個人、社會及人文教育領域課程指引的諮詢前日結束，因提倡認讀簡體字惹爭議的中文科諮詢，教育局接獲2.2萬份公...
詳情
相關新聞
