新思維拉隊訪台 向「第三路線」取經
[2016.01.13] 發表
【明報專訊】「新思維」自成立以嚟一直強調要走有別於泛民建制嘅「第三路線」，而對岸嘅台灣總統及立委選舉，就有親民黨聲言要打破藍綠之爭。新思維主席狄志遠(阿狄，圖)噚日透露，自己同20個成員今日會出發去台灣觀戰，拜訪3個政黨嘅競選總部，又會特別留意親民黨總統候選人宋楚瑜嘅選舉工程，睇吓對方點做理念論述。不過，阿狄話相信宋楚瑜贏面唔大，自己喺選後亦會出席民進黨候選人蔡英文嘅選後演說。唔知阿狄係咪預計到選前大熱、唔走第三路線嘅蔡英文會順利贏到呢？
另一邊廂，香港立法會選舉9月舉行，阿狄話新思維已經有「三數個」黨員有意參選，自己係其中一個，雖然黨內暫時仲未討論實際會派幾多張名單、同出選幾多區，但就話新思維喺新界東做開地區工作，會「優先考慮」。
更多港聞
【明報專訊】全港性系統評估（TSA）的檢討仍在進行，早前TSA關注組及「爭取取消小三TSA」等團體發起家長透過電郵向申訴專員公署投訴教育局及...
詳情
【明報專訊】負責檢討TSA的基本能力評估及評估素養統籌委員會，轄下兩小組都加入新委員，其中行政及報告小組加入了兩名辦學團體代表，分別是天主教...
詳情
相關新聞
