苗僑偉：無三點式啱三嫂著 笑老婆難性感
【明報專訊】苗僑偉(三哥)和陳豪昨日現身中環交易所展覽館，出席御藥堂集團控股有限公司上市掛牌儀式。兩位型男甚受場內女士歡迎，甫到場即成被集郵對象。三哥第7年擔任品牌代言人，問有無獲老闆配股，他笑言全放在老闆那裏，隨時打開夾萬就有。談及投資心得？他笑言：「股票我唔識，買親都『瀨嘢』。(投資磚頭？)乜都有啲，都係太太打理，所以問我都唔知。」
「阿倫肯著T-back都幾睇得吓」
三嫂(戚美珍)忙於與譚詠麟(阿倫)合作拍戲？三哥笑言：「玩吓啫，唔係好多戲分，都未開工。」對於三嫂爭取和阿倫演親熱戲？三哥不看好能成事，他笑言：「好似話三嫂著三點式，阿倫就T-back嘛，如果阿倫肯做都幾睇得吓。(不介意太太性感？)我諗佢辦唔到呢件事，阿倫都話如果要佢著T-back，不如用橡筋紮住算，佢唔會著喇，同埋都搵唔到一件三點式啱三嫂著。」問幾時再返TVB拍劇？三哥直言洽談中。TVB將與騰訊合拍《使徒行者2》網劇，他表示都是從網上新聞看到，未知整個計劃，接觸當中。提到湯鎮業早前接受本報專訪時透露三哥想撮合「五虎」再度合作開戲？三哥坦言如果能成事會非常開心，他亦十分期待。
陳豪睇好黃秋生贏視帝
首次來交易所的陳豪表示感覺非常好，因見到別人生意如此成功，是很好的學習榜樣，都想自己的咖啡生意做到別人那樣。想上市？他笑言距離還有點遠，做好現時業務先。陳豪自言有投資股票習慣，但現在還是「大閘蟹」，由於之前失敗過，故會更審慎：「我之前買藍籌都會跌。(蝕咗幾多？)坦白講，我冇放過所以冇蝕亦冇賺，可能等到畀我啲仔。」又言小朋友會是他最大的投資，因教育是長遠的，亦很重要，希望教育他們正確的人生和價值觀。對於憑《鬼同你OT》角逐視帝，陳豪自言：「信心加平常心，我睇好黃秋生，佢唔使做都有戲。我反而希望田蕊妮和胡定欣其中一個攞(視后)，和《鬼》攞劇集獎，但《梟雄》真係好強。」
記者：陳釗
