御林軍現中環 市民有彈有讚 炸魚薯條夠地道 佈置似展銷廳

遮打花園有倫敦巴士、英國郵筒同御林軍做拍攝景點，不過御林軍唔算太pro，上身係軍服，但就著波鞋。（蘇智鑫攝）

炸魚薯條攤位將英國國歌God Save the Queen（天佑女王）個god字改成cod（鱈魚），十分搞笑。（蘇智鑫攝）

除咗御林軍、郵筒、倫敦巴士外，遮打花園仲有英國街頭嘅電話亭，內有電話供人拍照。（蘇智鑫攝）

【明報專訊】全港首個英國文化節噚日舉行，喺中環遮打花園呈現倫敦街頭特色，炸魚薯條、啤酒、倫敦巴士、郵筒、電話亭、御林軍等，花園中間放咗好多木枱木椅畀人食嘢。Emily下晝去到，當時唔係好多人，有到場市民話香港1970年代殖民時期更有英倫感覺。有喺社交網站見到宣傳嘅人嚟到，發現啲展品像真度一般，成個場似展銷廳。

英國文化節活動之一

Emily一直以為會有成架倫敦巴士嚟到香港，點知去到得番個假車頭，但市民可以入去車頭同上層影相。

中國國家主席習近平訪英，英國首相卡梅倫都有帶佢食炸魚薯條同飲啤酒，文化節就有由英國進口嘅炸魚薯條、肉批等，亦有攤檔賣啤酒。喺facebook見到宣傳嘅陳先生就專登喺lunch time落去食，覺得炸魚薯條非常地道，尤其係薯條醬。

「1970年代香港更有英倫感覺」

不過，專程去文化節嘅張生、張太就覺得展品品質參差，現場佈置似一個展銷廳，雖然有唔少影相位置，仍覺得「無乜嘢睇，唔似嘉年華」，代表唔到英國。另一對張生、張太就覺得香港1970年代殖民時期更有英倫感覺，話今次文化節「無乜特別」，應該加入更多英國傳統元素，如木球運動等。

英國文化節由噚日開始到今個周六喺中環遮打花園舉行，開放時間為上午11點到晚上10點，免費入場。

更多港聞

自動當選陳健波：3萬票可當選立會「畸形」

【明報專訊】立法會財委會上周五通過創科局撥款，財委會主席陳健波大刀闊斧「剪布」；佢噚日出席商台節目時批評拉布「神憎鬼厭」，提議可考慮以扣減議... 詳情

迎合低頭族 范國威推電話型傳單

【明報專訊】唔少區議會選舉候選人都希望出奇制勝，新民主同盟范國威（圖）直情向街坊免費派「智能電話」。大家唔好諗多咗以為有人光天化日下賄選，范... 詳情

見特首 勞工政策「追數」 工聯﹕CY有心想撤積金對冲

【明報專訊】各大政黨陸續同特首梁振英（CY）見面，提交施政報告同財政預算案嘅建議。工聯會噚日就同CY見面兼「追數」，希望下年公布嘅施政報告，... 詳情

長毛李卓人收款投訴 立會將不跟進

【明報專訊】壹傳媒集團創辦人黎智英上年被揭發向泛民政黨捐款，工黨李卓人及社民連梁國雄（長毛）被質疑收取逾百萬元但無向立法會申報。立法會議員個... 詳情

進師盟再選教協監事 公開「傾莊」

【明報專訊】教協將會喺2016年舉行新一屆監事同理事會選舉，喺上屆取得監事會6席嘅「進步教師同盟」（進師盟）噚日宣布將參與2016年教協監事... 詳情